Rehabilitación integral

Declaración de Ben de Interese Cultural

Reutilización coma espazo público aberto

Debate público sobre os vindeiros usos

     Entremos é unha plataforma que busca promover un debate social aberto sobre o futuro da Panificadora de Vigo. Esta factoría é para nós, patrimonio inalienable da cidade: símbolo do pasado recente de Vigo e testemuña do seu carácter industrial. Unha infraestrutura que o novo século non debe desbotar.

     A cidadanía ten dereito a protagonizar ese proceso de rehabilitación, sendo ésta, a que propoña e imaxine os usos futuros deste espazo segundo os seus intereses, inquedanzas e necesidades mediante a participación nun debate público e aberto.

     A reutilización debe convertir o complexo da panificadora, nun espazo para o desenvolvemento do seu entorno socioeconómico, o Casco Vello e de toda a cidade de Vigo. Non entendemos a loita pola conservación da Panificadora se non podemos entrar nela, logo ... Entremos!.

- Rehabilitación integral: Entremos persegue a conservación e rehabilitación íntegra de todos os espazos, sen cambiar as súas características estruturais. Non aceptamos un proxecto (como o presente) no que unha parte do complexo sexa derribado para a construción de vivendas.

- Reutilización coma espazo público e aberto: Entremos apoia o seu uso coma espazo de titularidade pública, estando de forma continuada  á disposición e servicio da cidadanía.

- Declaración coma BIC (Ben de Interese Cultural) e incorporación ao Conxunto histórico artístico do Casco Vello: Esta sería a vía institucional para protexer a Panificadora da especulación urbanística.

     Se compartes algunha das nosas propostas e obxectivos, participa, plantexa as túas propias, fala con nós e visita  www.entremosnapanificadora.com